اذا كنت تبغا تصرف احد؟؟ ادخل وشوووف

تعلم كيف تصرف
الساعه 11 في الليل .... الرجال توه جاي للبيت

الزوجه: وراك جاي متأخر

الزوج : ابد كنت في السوق
الزوجه : لا وفي السوق بعد مافي نومه اليوم الا بالصاله

الزوج : ايه رحت اشتري لك هديه
ا
الزوجه : يلوموني فيك يابعد عمري انت

----------------------------------
الساعه 7 بعد المغرب شتاء (انواع البرد)..الولد توه يجي ياخذ امه من السوق

الام : جعلك منب قايله توك تجي وانا قايلة لك عند اذان المغرب تجي :xxتنتفض من البرد)

الولد : رحت اشتري لي شماغ من محل ...

الام : ولا لقيت تشتري شماغ الا هالين وانا احتريك

الولد :- ايه وشريت لتس شراريب صوف عشان تدفين

الام : جعلك بار منتب ضار اي والله رجيلاتي تعبت من البرد

---------------------------------------
موظف بنك جاي للدوام الساعه 9الصبح والمدير مستقعد له

المدير : الحمدلله على السلامه كان ماجيت

الموظف : معليش والله بس مريت واحد من الشباب .

المدير : بالله عليك .. اسف ياخي ..,, مخصوم منك يوم

الموظف:- ايه ابوه عنده عشرين مليون ..واقنعته يجيبها للبنك .

المدير: وانا اقول مستحيل انك تتاخر من غير عذر ..ومتى يجي هو وابوه ؟

------------------------
جورج بوش متصل على رئيس عربي الساعه 3 الفجر

بوش : الحين ماتقولي وش عندكم مخلين الاسلاميين ماخذين راحتهم

الرئيس : حنعمل ايه سيادتك ... وهوشونا سيادتك

بوش : انا اوريك كيف وهوشوكم ...مافي اعانات هالسنه

الرئيس : بس سيادتك الشيوعيين عملين ألأ في البلد أولنا نخلي حيلهم بينهم ..تحت شعار الديموقراطيه

بوش : انا قلت كذا من اول .. انتوالمحور الرئيسي لعملية السلام في الشرق الاوسط ...
**(كلام بوش بالانقليزي يقراء من اليسار لليمين )**

------------------------------
واحد يطلب واحد فلوس ..والثاني دايم يصرفه .. وفجاءه صاده

الطالب : وين ياشيخ حرام عليك تعبت وانا اتصل عليك

المديون: ابد والله كنت مسافر

الطالب : ياخي بدل ماتسافر رجع للعالم فلوسها ..وبعدين سافر ..مب تسافر على حسابي

المديون : ابد ياخي كان عندي ارض هناك ورحت بعتها عشان اسدد فلوسك

الطالب: والله اني قايل ان الفلوس اللي عندك ماتضيع ياخي ..متى تسدد

------------------------------
وكيل وزاره موقع مناقصه مع شركه ... وما علم الوزير

الوزير : الحين انت ووجهك وش لون ترسي المناقصه على هالشركه وماتقولي

الوكيل : عرضهم كان الاحسن

الوزير : ومن متى تعرف ان هذا العرض افضل ..والا طلع لك ريش

الوكيل : مب القصد طال عمرك .. بس هم بيعطونك فوق العقد مليون وكاش ..

الوزير: يلوموني يوم حطيتك وكيل وزاره

ان شاء الله تعجبكم التصريفااات